MAGAZINE MD#Edisaun_II#Free download.

Ministru Filomeno Informa Sistema Autoridade Marítima Ba PR

DILI: Iha Tersa-feira ohin 13 Outubru 2020, Ministru Defeza Brig-Gen (Ref) Filomeno da Paixão de Jesus, ba hasoru Prezidente Repúblika Dr. Francisco Guterres Lú-Olo, informa sistema autoridade marítima sei implementa iha tempu badak nia laran.

Ministru Defeza ne’e hatete, enkontru ne’e mensal nian, mai hodi informa kona-ba dezenvolvimentu Ministériu Defeza-F-FDTL, iha sorumutu ne’e mós koalia liu kona-ba agora elabora ona OJE 2021 Señor Prezidente Repúblika hakarak hatene, iha orsamentu 2021 preoridade Defeza nian mak autoridade marítima.

Antes ne’e ami halo ona primeira reuniaun ho ministériu kompotentes ne’ebé sei haree ba área ne’e, ami iha hanoin ba tinan 2021 atu hatama osan hodi halo sede komponente naval iha Hera no iha Sede ne’e mos sei tau edifisiu ida ba autoridade marítima husi ne’ba mak autoridade marítima sei estabelese halao serbisu ba oin,”dehan Ministru ne’e ba jornalista sira bainhira hasoru malu ho Prezidente Repúblika iha Palásiu prezidensiál, Bairo Pite.

Governante ne’e esplika, autoridade marítima laos Xefe Estadu Maijor Jeneral  mesak mak kaer, maibé involve ministeriu relevante sira ne’ebé iha interese iha tasi, señor Jeneral sei la enterompe lao tuir idak-idak nia kompetensia, serbisu lao nafatin maibé koordena ho Señor Jeneral ba iha tasi nian nune’e bele poupa kapasidade , labele halo mariña barak lalika hola ró tanba F-FDTL iha ona ró halo patrulla too kosta sul ne’eba.

Kona-ba marítima iha mos dezenvolvimentu forsa halo koopersaun ho Austrália nian ba navegasaun iha kosta súl oras ne’e iha prosesu hela hamutuk ho Austrália hodi halo patrulla ba iha súl nian hodi hare ilegal sira liu iha ne’eba.

“Ita iha koopersaun ho Australia atu halo portu hodi prepara  ba iha ró rua atu mai iha Outubru 2023 ne’e sei halo iha Hera sei fahe ba zona tolu Zona A ne’e ita rasik mak sei halo sei dezenvolve portu no kebra mar, Zona B Australiano mak halo, Zona C halo infrstutura ba iha manutensaun ba ró,”tenik Ministru.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!