MAGAZINE MD#Edisaun_II#Free download.

Ohin MD-F-FDTL Realiza Semináriu, Kona-ba Boa Governasaun

DILI: Relasiona lei No 7/2020 kona-ba Medidas Prevensaun no Kombate Korrupsaun antes ne’e promulga ona husi Prezidente Repúblika Dr. Francisco Guterres Lú-Olo iha loron 24 Augostu 2020, tanba ne’e Ministériu Defeza (MD) inklui F-FDTL hamutuk realize semináriu ho tema “Desiminasaun Medidas Prevensaun Korupsaun Promosaun Boa Governasaun”, hodi fó hanoin ba funsionáriu sira atu serbisu tuir regras no lei ne’ebé iha.

Ministru Defeza Brig-Gen (Ref) Filomeno da Paixão de Jesus hatete, objetivu husi semináriu ne’e halo desiminasaun lei, tanba forsa armada no mós funsionariu husi aprozionamentu nian bele haree hodia hadia sira nia hahalok tuir lei, nune’e evita asaun korupsaun iha instituisaun ne’e.

“Ohin ami halo desiminasaun lei ba funsionáriu sira, agora dadaun iha tribunal kontas sempre mai haree ami nia serbisu, haree ida kaman hatete para hadia atu labele repete tan, ida todan liu ne’e sira bele haruka ba too KAK no MP hodi prosesu,”dehan Ministru Defeza bainhira entervista ho Jornalista sira iha Salaun Auditorium Quartel Fatuhada, Dili Kinta-feira (05/11/2020).

Iha fatin hanesan Komisáriu KAK Sr. Sergio da Costa Hornay hatete, dezenvolvimentu institusionál komesa dezenvolve makas, no konsolidasaun estadu direitu demokrátiku iha nivel nasionál tama ona dezenvolvimentu makas. Husi evalusaun sira ne’e lori ninia konsikuensia para atu bele hamosu kompetisaun ida saudavel.

 Iha konstituisaun RDTL iha artigu 6 objetivu estadu nia hakarak mak garante estadu ida estadu direitu no demokratiku, direitu fundamental sira ne’e iha oin labele halo resisoens kuandu la espresa klaru iha konstituisaun lei no ordenamentu juridiku internasionál ne’ebé ratifika nudár instrumentu ba lei.

“Hau iha interese boot ba seminariu ida ne’e tanba tema ne’ebe temi iha leten koñesidu tebes ho lei no 7/2020 ita nia Prezidente Repúblika promulga ona hein 180 dias tama iha vigor provovalmente  sei aplika iha 26 Febreiru 2021 tinan oin,”tenik Komisáriu KAK ne’e.

Komisáriu KAK Esplika, lei ne’e hatete estadu ida ne’e presiza iha politika nasionál ida ba iha kombate kriminal korupsaun, ida tan mak tenke iha presepsaun hanesan iha estadu direitu liuliu ba iha kombate kriminalidade ba korupsaun iha medidads polítika prevensaun kriminalidade no mós iha medida seluk ba iha investigasaun kriminal korupsaun ne’e nian.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!