MAGAZINE MD#Edisaun_II#Free download.

Gabinete 2020-Instituisaun Relevante Deskute Ona Implementasaun AMN

DILI: Gabinete 2020 husi Ministériu Defeza nian konvok,a reuniaun ho instituisaun relevante sira hodi deskute ona implementasaun Autoridade Marítima Nasionál (AMN), maibé antes iha loron 8 fulan Outubru 2020 deskute ona kona-ba nia sistema, ne’e iha ona solusaun agora prepara dokumentus balun tan hodi kompleta nune’e bele implementa iha 2021 tinan oin.

Ho asuntu ne’e Xefe Estadu Maior Jeneral das F-FDTL Maijór Jeneral Lere Anan Timur hatete iha nia deskursu, reuniaun ne’e atu fahe serbisu ba malu hodi haree ba kompeténsia idak idak nian, tanba instituisaun barak mak sei serbisu hamutuk.

Maibé ida ne’ebé iha kompetensia tenke iha kapasidade tanba área foun entaun tenke involve ema barak sivil ho militár serbisu hamutuk, maibé hatene tuir idak idak nia kompetensia nune’e labele kria fali duvida.

 “Autoridade marítima ita mak sei kaer, ita husu apoiu ba asesor sira husi nasaun boot ne’ebé iha esperensia kona-ba tasi nian, ohin ita mai atu koalia kona-ba atividade Autoridade Marítima nian ,tanba ita foin mak harii presiza esforsu parte hotu hotu involve án iha parte ida ne’e,”dehan Xefe Estadu Maior Jeneral das F-FDTL ne’e iha Salaun Quartel Fatuhada, Dili, Sesta-feira (6/11/2020).

Jeneral ne’e haktuir, Ministériu Defeza no Ministériu Interior sei kontinua kapasita ninia membru sira iha área seguransa hodi apoiu serbisu ho liña ministeriál sira atu fó susesu ba serbisu, atu defende soberania tasi no rai-maran, sai núdar pilár importante tebes ba Timor-Leste.

Iha fatin hanesan Komadante Higino das Neves hatutan, sira introdús mós regulamentu tolu hanesan, ba oin sei iha kria regulamentu Komisaun ba Asuntu Tasi nian, Regulamentu ba Diresaun AMN, Organizasaun Funsionamentu Divizaun Téknika Espesializada, Organizasaun Funsionamentu Sentru Operasaun Marítima, Regulamentu Jerál Kapitais Portu Delegasaun Marítima nian, Regulamentu Atividade Unidade Marítima ba Espasu Jurisdisaun.

Komadante ne’e esplika, iha futuru AMN koloka mós ekipa konjunta halo servisu iha Portu Tibar halo kontrola ba Ataúro too Batugade to’o Oecusi no iha Portu Com halo kontrola to’o portu Mulia no Caravela, no iha Portu Covalima halo kontrola ba to’o Portu Beacu-Viqueuqe nian.

Grupu traballu sira ne’ebé tama iha ekipa Autoridade Marítima Nasional no Órgaun Sistema Autoridade Marítima maka, Komponente Forsa Navál Ligeria F-FDTL, Unidade Polísia Marítima UPM-PNTL, Polísia Sientífika Investigasaun Kriminál

(PCIC), Servisu Migrasaun, Diresaun Jerál Peska Agrikultura no Rekursu Maridos, Diresaun Jerál Autoridade Aduaneira/Alfándega, Diresaun Jerál Autoridade Tributária, Diresaun Jerál Transporte Komunikasaun, Diresaun Jerál Protesaun Saúde, Administrasaun Portu Timor-Leste (APORTIL,I.P), Diresaun Jerál Petróleu no Mina-rai, I.P, Diresaun Jerál Protesaun Sivil, Ajénsia Investigasaun Fiskalizasaun Autoridade Ekonomia Sanitária no Alimentár (AIFAESA,I.P), Diresaun Jerál Ministériu Justisa, Diresaun Jerál Ministériu Finansas, Diresaun Jerál Meiu Ambiente no Diresaun Jerál Turizmu.

lha enkontru ne’e diskute mós kada lida ministériu sei hili sira-nia reprezentante funsionáriu tékniku profisionál na’in-rua hodi aprezenta ba AMN hodi halo preparasaun tékniku ha ekipa ne’ebé sei hala’o serbisu no simu pose iha tempu besik.

Kobertura: Ligia Noronha/Gil Barros

Deskulpa - Komentariu ami Taka

error: Deskulpa Kontent ami protected !!