MAGAZINE MD#Edisaun_II#Free download.

Ministru Defeza Simu Inkontru Despedida Adidu Militár Filipinas

DILI:Ministru Defeza Brig-Gen (Ref) Filomeno da Paixão de Jesus simu inkontru despedida husi Adidu Militár Filipinas mai Timor-Leste Coronel Rodgrigo. Adidu Militár hala’o tiha ona misaun iha Timor-Leste durante tinan tolu no sei fila hikas ba Filipina iha tempu badak.

Cor. Rodrigo apresia tebtebes koperasaun di’ak husi Timor-Leste no reitera prontidaun hodi hametin liután koperasaun defeza entre Filipinas ho Timor-Leste. Nia haktuir katak Filipinas sai nu’udar apoiante ida forte ba adezaun Timor-Leste iha ASEAN.

Ho nune’e Adidu foun sei mai kontinua misaun adidu nian iha Timor-Leste hodi ajuda hametin liután koperasaun defeza entre País rua.

Iha biban ne’e Ministru Defeza hato’o mos agradesimentu ba Cor. Rodrigo ne’ebé dedikadu tebtebes hodi hametin ona koperasaun diak ho Timor-Leste no papél importante husi Filipinas iha manutensaun paz no estabilidade iha Timor-Leste liliu durante misaun INTERFET iha Timor-Leste. País rua sei kontinua hametin liutan koperasaun defeza no sei diskuti hodi haluan liután âmbitu koperasaun iha domíniu sdefeza entre forsa armada rua.

Média MD

Deskulpa - Komentariu ami Taka

error: Deskulpa Kontent ami protected !!