MAGAZINE MD#Edisaun_II#Free download.

Views

MD Hala’o Reuniaun Mensál ho PR

DILI: Ministru Defeza Brig-Gen (Ref) Filomeno da Paixão de Jesus, iha Segunda-feira ohin hala’o reuniaun ho Prezidente Repúblika Dr. Francisco Guterres Lú-Olo, iha knaar fatin Palásiu Prezidesiál Bairu-Pite, Dili. Objetivu husi sorumutu ne’e Ministru Defeza informa relatóriu serbisu,  tanba Xefe Estadu hakarak atu hatene progresu serbisu iha ministériu nian inklui F-FDTL.

 “Señor Prezidente bolu ha’u mai hasoru mensalmente atu halo relatóriu kona-ba serbisu ne’ebé ha’u hala’o iha Defeza liu-liu ba iha F-FDTL, haree ba área sira hanesan, parte polítka, jurídiku nian no tún ba parte tékniku militár,” dehan Ministru Defeza ne’e bainhira halo entervista ho jornalista sira iha Palásiu Prezidensiál Bairu-Pite, Dili, Segunda-feira (25/01/2021).

Iha enkontru mensal ne’e Xefe Estadu husu ba Ministru Defeza, esplika, kona-ba  orsamentu ne’ebé aprova ona ba iha Defeza-F-FDTL ho montante hamutuk $45 millaun no ba F-FDTL $25 millaun restu ba iha ministériu, no ikus liu ba iha tinan ida ne’e mak rekrutamentu infelizmente sei halo de’it ba iha ema atus 600. Maibé tuir proposta governante ne’e propoin ema atus 1200, maibé tanba difikuldade osan tenke hamenus.

“Rekrutamentu ema atus 600 ne’e tanba iha difikuldade, pakote fiskal ne’ebé fó ba iha ministériu la too, tanba ne’e redus ba iha 600, maibe ba iha 2022 sei propoin fali ema 1200 bele kompletu fali numeru ne’e,”tenik Ministru Defeza.

Ministru Defeza mós hato’o ba Prezidente Repúblika kona-ba militár obrigatóriu jia progresu ne’e asuntu ne’e Prezidente aprova tiha ona, maibé sei prepara kestaun lojistika, rekursu umanu no komesa perpara kedan para halo promulgasaun depois halao rekrutamentu ne’e mais tarde bainhira iha ona kondisaun.

Koalia kona-ba rekrutamentu forsa foun iha oportunidade ne’e Ministu Defeza, halo apelu ba iha veteranus nia oan sira hotu katak, mantein fizíku di’ak, espiritu di’ak, evita konsumu tabaku ho tua, tanba sei iha provas ne’ebé todan sé labele mak iha kompilikadu ba iha avaliasaun.

Aleinde rekrutamentu Ministru mós relata, kona-ba asuntu Autoridade marítima, preokupasaun liu mak liga ho infrstutura tomák ba iha F-FDTL ho Ministériu Defeza, ho nune’e  iha  projeitus hamutuk 9 ne’ebé atu halo, husi projeitu ne’e fahe ba  projeitu 4 iha liña ministeriais, no projeitu 5 mak iha Kafi.

Koalia kona-ba autoridade marítima atu halo sede komponente naval inklui ho edifisiu autoridade marítima, iha ne’eba mós sei halo postu kompañia rua importante liu iha fronteira ida husi Atabae Damlara, ida tan mak ba iha Suai hodi hateke ba iha pelutaun sira ne’ebe koloka iha Salele Tilomar ba hotu iha Mota-ain.

“Ita koalia kona-ba doasaun, husi Austrália, haree ba iha ba iha Portu Hera, agora hadia no remata iha Outubru 2021 nune’e bele simu ona ró patrulamentu rua.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!