MAGAZINE MD#Edisaun_II#Free download.

Views

MD-Komisaun B (PN) Deskute Alterasaun Lei Defeza Nasionál

DILI: Haree ba iha dezenvolvimentu forsa militár nian ne’ebé iha, Lei Defeza Nasionál implementa ona durante tinan 10 nia laran, maibé too agora sedauk halo mudansa ba artigu balun, tanba ne’e Ministériu Defeza Brig-Gen (Ref) Filomeno da Paixão de Jesus,  mai hamutuk ho Komisaun B Parlamentu Nasionál (PN), ne’ebé trata asuntu Defeza, Seguransa no Negosiu Estranzeiru, túr hamutuk tau ideia oinsá mak bele halo altersaun ba artigu balun sira ba lei refere.

Durante iha enkontru nivel altu ne’e parte rua hala’o deskusaun tuir proposta husi Ministériu nian ne’ebé sei muda artigu balun hamutuk 12 iha lei Defeza Nasionál nian, hodi buka mekanizmu oinsá mak forsa F-FDTL ne’e bele di’ak iha future tuir mudansa global ne’ebé iha.

 “Ohin ami mai hatán kona-ba oinsá atu muda lei defeza nasionál maibé la signifika atu muda totál, muda de’it iha artigu balun, uluk iha komponente Naval, Aero, Terrestres, Komponente Apoiu Serbisu , Komponente Treinu no Formasaun,  maibé agora hasai tiha rua hela mak Aero, Tasi no Rai, ne’e mak ohin ami mai koalia ida ne’e, nune’e bele hatama ba iha lei,”dehan Ministru Defeza bainhira hala’o enkonru ho Komisaun B iha Uma Fukun Parlamentu Nasionál, Kuarta-feira (28/01/2021).

Governante ne’e esplika, antes ne’e iha lei defeza nasionál la temi Xefe Estadu Maior, temi de’it Xefe Estadu Maior Jeneral, Vise Xefe Estadu Maior jeneral, no temi de’it mak komadante komponente sira, ida Xefe Estadu maior ne’e uluk la tau, ohin hatama hotu nune’e bele halo parte hotu iha komando kuartel jeneral nian. Uluk mos Prezidente Repúblika  fó pose de’it ba iha Jenerál Xemfa, Vise Xemfa ho komadante komponente sira, agora aumenta tan Xefe Estadu Maior, se fó ona pose ba iha komadate komponente entaun Xefe Estadu maiór as liu tenke fó mós pose.

Tanba Lei Defeza Nasional agora ne’e liu tinan 10 ona entaun la koresponde ba realidade liuliu iha iha komando, halo mudansa ne’e hanesan esratéjia militár muda ona, forsa espozetivu tau iha rai laran mós muda ona ho sistema forsa ne’ebé muda tanba aumenta tan unidade FALINTIL, kuandu muda ona tenke muda mós iha lei defeza nasionál.

Iha enkontru ne’e Prezidente Komisaun B, deputadu José  Agustinho Sequera Somoxo hatete, ida ne’e hanesan responsablidade ida ba parte rua nian, tanba iha ne’e primeira halo alterasaun lei defeza nasionál, tanba evolusaun forsa ne’e nian, tanba ho preokupasaun ne’e ministeriu Defeza haree katak iha nesidade para atu halo altesaun ba lei ne’e.

Iha ne’e laos atu foti kedas desizaun maibé sei deskute fó hanoin ba malu nia di’ak mak ba instituisaun ne’e, altersaun ne’e laos atu kria tan problem aba instituisaun tanba ne’e iha artigu 12 ne’ebé atu altera ne’e haree importante hotu tanba bele atualiza forsa armada ba ia kargu xefia sira ne’ebe sai hanesan mekanizmu.

Kobertura: Ligia Noronha/ Gil Barros

Deskulpa - Komentariu ami Taka

error: Deskulpa Kontent ami protected !!