MAGAZINE MD#Edisaun_II#Free download.

Views

Korea Súl Renova Kooperasaun Foun Ho TL Iha Área Defeza

DILI: Ohin, Segunda-feira 01 Fevereiru 2021, Ministru Defeza Brig-Gen (Ref), Filomeno da Paixão de Jesus, simu vizita kortezia husi Embaixadór Korea Súl foun, iha Timor-Leste Sr. Kim Jeong Ho. Objetivu husi vizita ne’e embaxadór foun sei halo renova fila fali kooperasaun país rua ne’e nian kona-ba área defeza-F-FDTL.

“Durante ne’e laiha akordu TL ho Korea Súl, tanba ne’e mak ha’u husu sebele ita iha 2021 asina Momorandum of Understandig (MoU) ho Repúblika korea súl kona-ba kooperasaun entre defeza nian,”dehan Ministru Defeza bainhira halao enkontru ho bainaka sira iha Sala Kortezia, Ministériu Defeza, Fatuhada, Dili.

Iha oportunidade ne’e Ministru Defeza, husu mos ba iha akordu ida hanesan semilhante,  hanesan Japaun nian ne’ebe haruka estudante sira ba eskola akadémiku militár iha ne’eba, iha staf sivil sira mós bele ba aprende kona-ba área defeza nian.

Iha vizita embaxadór ne’e hatete, nia iha interesadu tanba antes nia mai koalia ona ho Ministru Defeza Korea Súl nian bele apoiu Ministru Defeza Timor nian, haree liliu mak parte parte militár nian, sira mós hakarak tenke iha tan enkontru para hasoru malu koalia kona-ba koopersaun ne’e di’ak liu tan iha futuru.

Aleinde ne’e, Embaixadór hato’o mensazem husi Ministru Defeza Korea Súl ba Ministru Defeza Timor Leste nian, ho fuan boot hodi propoin ba Konsellu Ministru kona-ba forsa militár Korea Súl ne’ebé hala’o misaun iha Timor Leste, hahú husi tinan 1999-2003, Timor-Leste rekoñese hodi fó ona kondekorasaun, ho familia nia naran hatoo agradese wain ba governu Timor-Leste.

Média MD

Deskulpa - Komentariu ami Taka

error: Deskulpa Kontent ami protected !!