Biografia Maior Jeneral Lere Anan Timur

PERSONAL DETAILLU

Maijór Jenerál Lere Anan Timur  oan husi Domingos dos Santos no Filipa dos Santos, Moris iha Dara Maraa, Iliomar, Lospalos, iha loron 02 fulan Fevereiru tinan 1952.  Lere mak oan mane bot husi alin nain ne’en (6), feto rua (2) no mane haat (4)

  • Funu hasoru libertasaun

Iha fulan Jullu tinan 1983, depois retira husi tiru – malu hasoru TNI (Tentara Nasionál Indonesia) ho FALINTIL transfere kedas Lere ba iha Regiaun   “Haksolok” (Ainaru ho Suai) assumi responsablidade foun hanesan Prinsipal Responsablidade ba Regiaun. Iha 1985 Nia sai hanesan kuatru (4) Komandante unidade regiaun iha Viqueque . Iha tinan 1990 Maijór Jenerál Lere Anan Timur transfere ba Regiaun Ponta Leste (Lospalos) hanesan Responsablidade Prinsipal no Ofisial Komando Regiaun nian no mantein iha ne’ebá to’o funu remata. Iha tinan 1997 Lere nomeadu hanesan Vise-Xefe Gabinete  FALINTIL nian.

  • FALINTIL-Forsas  Defeza Timor-Leste (F-FDTL)

Maijór Jenerál Lere Anan Timu mós promove ba postu Coronel F-FDTL iha loron 01 fulan Fevereiru 2001 iha Aileu no sai hanesan Xefe Estadu Maiór F-FDTL antes restaurasaun Independénsia  iha 20 Maiu 2002.

Maijór Jenerál Lere Anan Timur mós promove ba Brigadeiru Jenerál iha fulan Novembru 2009 no asumi responsablidade hanesan Vise – Xefe  Forsa Defeza F-FDTL.

Iha loron 06 Outubru 2011 ikus liu Lere promove ba Maijór Jenerál no foti responsablidade hanesan CDF F-FDTL foun depois de Maijór Jenerál Taur Matan Ruak ninia resignasaun hodi tuir kandidatu Eleisaun ba Presidénsial  to’o ohin loron.

  • Estadu Sivil

Maijór Jenerál Lere Anan Timur kaben ho Sra.  Elsa Pinto (mate tiha ona) iha 1981, sira iha oan mane rua, Carlos Alú da Costa and  Elito Oan Kiak Boby.

Iha 2001, depois de funu, Maijór Jenerál Lere Anan Timur kaben hikas fali ho Sra. Cidalia Mesquita Ximenes da Costa no sira iha oan nain neen (6), (oan mane ida no feto lima):  Titânia, Maria, Talia, Tania, Tito Junior and Gracia.