MAGAZINE MD#Edisaun_II#Free download.

Ministériu ne’e nia misaun atu garante diresaun ne’e hodi fó apoiu ba Ministru Defeza nian, kria liña kordenasaun sira hanesan iha parte jestaun tékniku administrativa, Finansas, Rekursu Umanu, Aprozionamentu, infrastutura ekipamentus defeza nian.

Diresaun ne’e la’o nafatin liuliu atribuisaun sira hanesan tuir mai ne’e, partesipa no dezenvolve polítika no regulamentu relasiona área intervensaun nian, hodi orienta no asegura, elabora implementasaun ba planu anuál ba iha atividade ministériu halo planu foun ba dezenvolvimentu nasionál. Kompetensia hirak ne’e mensiona iha Dekretu-Lei No 7/2019.

Diresaun ne’e nia responsablidade hanesan: orienta, asegura no elabora implementasaun planu annual  programa no atividade ministériu nian, no kontinua atualiza serbisu planu dezenvolvimentu nasionál no planu setór sira, hodi garantia administrasaun jerál interna ministériu nian, serbisu  akordu annuál  monitór ninia implentasaun sira.

Reponsablidade seluk mós atu orienta, asegura no elabora orsamentu annual, no hadi’a akordu sira kona-bá orsamentu no norma akontablidade. Hodi verifika legalidade despeza no ordem pagamentu, depois hetan autorizasaun husi Ministru.

Promove formasaun no dezenvolvimentu tékniku ptofesionál funsionáriu ajente administrasaun públika elabora planu annual formasaun dezenvolvimentu rekursu humanu ministériu kordena ho komisaun funsaun públika kumpri lei sobre rejimi formasaun no dezenvolvimentu funsaun publika.

Atu kordena no kontrola prosedimentu annuál  no avalisaun dezenpeñu ba iha rekursu umanu ministériu hodi asegura tuir ninia pontualidade, nune’e mós estabelese no dinamiza grupu traballu nasionál no Jeneru iha ministériu.

Diresaun ne’e nia funsaun mós prepara organiza no akompaña serimónia importante iha ministériu maibe, tenke asegura no respeita ba regras protokolu bainhira iha serimónia serimónia importunate, halo mós kordenasau ho protokulu estadu nian ne’ebé nesesariu tebes.

Diresaun ne’e mós halo kordenasaun ho parte Gabinete Arkivu Jerál Defeza hodi salvaguarda seguransa iha arkivu defeza nian ne’e hola parte iha serbisu unidade no sub-unidade administrativa nian. Asegura mós ministériu defeza nian bainhira presiza husi ministru iha organizasaun ministeriais iha área intervensaun nian. Atu halo klarefikasaun ho efisiensia kordena no serbisu hamutuk entre ministru ho F-FDTL ho entidades ne’ebé tutela.

Verifika legalidade despeza no ordem pagamentu, depois hetan autorizasaun husi Ministru, atu kordena, iha área intervensaun, no orientasaun polítika kona-ba relasaun entre  sivil  no militár, iha artikulasaun ho serbisu seluk ne’ebé iha kompeténsia, asegura ho efisiensia, kordenasaun ka kolaborasaun serbisu entre Ministériu no entidade sira seluk.

Diresaun Jerál Administrasaun mak  lidera husi diretór Jerál, tuir hirarkia husi Ministru Defeza ne’ebé nomeia kargu xefia sira iha administrasaun publika.

Diresaun Jeral Administrasaun lidera no jere hamutuk serbisu administrasaun ho Diresaun Nasionál haat iha Ministériu Defeza mak hanesan: DNFA, DNRH,DNA no DNGP.

Inderesu 
Diresaun Jerál Administrasaun (DJA)
Av. Nicolau Lobato, Fatuhada, Komoro, Posto Dom Aleixo,  Dili,
Timor-Leste
Kódiku Postal : 050601
Kontaktu  : (+670) 7731-2454/77008427
E-mail : nuno.santos7635@gmail.com

error: Deskulpa Kontent ami protected !!