MAGAZINE MD#Edisaun_II#Free download.

Diresaun Nasionál Aprovizionamentu ne’ebé hanaran ho liafuan bádak (DNA) nia funsun serbisu nuudar responsável bá estuda atu hato’o no ezekuta polítika kona-bá orientasaun sira sosa sasan no serbisu sira iha ministériu nian, tenke respeita bá lei aprovizionamentu ne’ebé vigor. Kompetensia hirak ne’e mensiona iha Dekretu-Lei No 20/2015 no Diploma Ministerial No 14/2015.

Diresaun ida ne’e nia kompetensia serbisu hanesan, partisipa iha jestaun bá patrimóniu ministériu nian, estuda nesesidade kona-bá akizisaun beins no serbisu hodi fó ninia satisfasaun tuir orsamentu no programa tinan-tinan kona-bá atividade ne’e, nune’e mós  jere no asegura dezenvolvimentu bá prosedimentu administrativu bá akizisaun beins no serbisu sira ministériu nian no F-FDTL, hodi garante respektiva tuir norma aprovizionamentu ne’ebé vigora.

Nune’e mós halo avaliasaun bá nesesidade kona-bá akizasaun beins no serbisu ministériu nian, liu-liu sira akizisaun ne ‘ ebé kompleksu no risku aas, hodi prepara detalladamente estimativa kustu nian sira. Akompaña ezekusaun no implementasaun kontratu aprovizionamentu nian bá beins no serbisu ministériu nian no F-FDTL, hodi oferese atu atualizasaun kona-bá ninia planu renovasaun.

Diresaun ne’e nia kna’ar seluk mós atu serbisu hamutuk bá iha padronizasaun ekipamentu, materiál no serbisu sira ministériu nian no mós partisipa iha kriasaun bá komité ida ne’ebé aprovizionamentu no kontratasaun, husi kumprimentu regra jerál no espesiál bá aprovizionamentu ne’e, no hala’o mós  monitoriza pagamentu kona-bá kontratu bá iha riku soin ne’e Bánku Sentrál no bánku nasionál komérsiu Timor-Leste.

Ho nune’e atu estuda, propoin no ezekuta medida sira ne’ebé presiza bá dezenvolvimentu polítika ministériu nian iha matéria edifikasaun no infra-estrutura militar no sivil ne’ebé nesesáriu bá defeza, hodi koordena ho orgaun sira seluk no organizasaun governu nian báinhira presiza, no tenke mantein atualizadu arkivu ida ne’ebé prosesu tuir aprovizionamentu ministériu nian hodi garante konservasaun dokumentu sira bá períodu mínimu tinan lima ne’e, la hó prejuízu bá atribuisaun própria Gabinete Arkivu Jerál defeza.


Inderesu          
Diresaun Nasionál Aprovizionamentu (DNA)
Av. Nicolau Lobato, Fatuhada, Komoro, Posto Dom Aleixo,  
Dili, Timor-Leste
Kódiku Postal : 050601
Kontaktu         : (+670) 77230169
E-mail           : -

error: Deskulpa Kontent ami protected !!