MAGAZINE MD#Edisaun_II#Free download.

Diresaun Nasionál Jestaun Patriomoniu ou DJNP nia funsaun serbisu mak atu responsabiliza no  oinsá atu dezeña, koordena no fó apoiu tékniku iha ámbitu bá jestaun patrimóniu ninian hanesan iha infraestrutura no ekipamentu sira iha Ministériu Defeza inklui halo manutensaun no prezervasaun.

DNJP iha nia kompetênsia rasik hanesan estuda bá proposta no ezekuta medidas sira ne’ebé nesesária bá dezenvolvimentu kona-bá polítika ministériu nian ne’ebé liga ho matéria lojístika no jestaun infra-estrutura militares no sivil ne’ebé nesesáriu bá defeza, garante inventáriasaun ne’ebé di’ak bá distribuisaun, manutensaun no halo prezervasaun bá patrimóniu ministériu nian hanesan kareta, edifísiu, materiál eskritóriu no halo mós kolaborasaun serbisu sira seluk.

DNJP nia kna’ar mós mak oinsá bele kria no asegura manutensaun bá baze informátika iha komunikasaun interna hodi hala’o funsionamentu serbisu diária sira iha Ministériu Defeza. Iha parte seluk, DNJP mós dezenvolve no implementa planu assaun hodi hadia infrastrutura teknolójika bá komunikasaun serbisu Ministériu ninian ho nune’e bele garante assisténsia tékniku bá serbisu hotu ministériu nian.

DNJP iha mós papel importante seluk hanesan halo elaborasaun bá planu lojístika no infrastrutura F-FDTL ninian mak hanesan Akizasaun armamentu militar no ekipamentu serbisu Defeza ninian.


Inderesu          
Diresaun Nasional Jestaun Patrimóniu
Av. Nicolau Lobato, Fatuhada, Komoro, Posto Dom Aleixo,  
Dili, Timor-Leste
Kódiku Postal    : 050601
Kontaktu         : (+670) -
E-mail           : -

error: Deskulpa Kontent ami protected !!