MAGAZINE MD#Edisaun_II#Free download.

Diresaun Nasionál Rekursu Humanu ou DNRH, nia funsaun prinsipal mak atu halo estudu, anális, hato’o proposta no ezekuta orientasaun polítika kona-bá jestaun rekursu umanu, formasaun no kapasitasaun inklui sistema rekrutamentu, reforma no apoiu bá veteranu sira iha Falintil-FDTL. Kompetensia hirak ne’e mensiona iha Dekretu-Lei No 20/2015 no Diploma Ministerial No 14/2015.

DNRH nia kompetênsia rasik hanesan: halo planu, organiza no implementa dezenvolvimentu jestaun organizasaun, nune’e mós atu jere polítika ida ne’ebé di’ak iha Ministériu Defeza no     F-FDTL.  no knaar seluk mós mak halo lei no planu estratéjia ba dezenvolvimentu kapasidade husi ajente no funsionáriu sira liu husi formasaun bá funsaun públiku, iha koordenasaun ho komisaun funsaun púbiku.

DNRH ne’e mós halo koordenasaun servisu ho F-FDTL planu bá kapasitasaun militar sira hodi promove tuir orientasaun husi Diresaun Jeral Ministériu, nune’e mós kontratasaun ba funsionáriu sira ministériu nian tuir nesesidade espesifikadas ho razaun bá méritu no iha mós koordesaun ho Komisaun Funsaun Públiku (KFP) kona-bá kualidade rekursu umanu ministériu nian.

Kna’ar seluk mós hala’o rekrutamentu ne’e favorese no mobilizasaun militar sira F-FDTL nian ho apoiu ba serbisu ne’ebé relevante DNRH mós  ezamina no propoin baze jerál ba polítika kona-bá rekrutamentu, nune’e mós konvoka mobilizasaun bá militar, liu-liu halo proposta kona-bá kuadru militar, kareira no remunerasaun bá pesoál iha koordenasaun ho serbisu F-FDTL nian.

Nune’e mós defini no propoin liña báziku orientasaun polítika kona-bá konskrisaun no rezerva bá militar, mekanizmu atu implementa, tau matan no jere prosesu administrativu ba asisténsia médika ba militar no veteranu sira nian, hodi foti prosesu hasoru sira nia lista remunerasaun pesoál ministériu no F-FDTL, iha koordenasaun ho DNAF.

Ho ida ne’e atu garante kumprimentu ba norma husi estatutu funsaun públika no loos lejislasaun aplikável, seluk hodi kontrola atividade ba funsionáriu sira públiku no ajente sira administrasaun tuir lejislasaun ne’ebé vigora.

DNRH supervisiona mós departementu rua hanesan: Departementu Administrasaun Rekursu Humanu (DARH) no Departementu Dezenvolvimentu Rekursu Humanu (DDRH).


Inderesu          
Diresaun Nasionál Rekursu Humanu (DNRH)
Av. Nicolau Lobato, Fatuhada, Komoro, Posto Dom Aleixo, 
Dili, Timor-Leste
Kódiku Postal : 050601
Kontaktu      : (+670) -
E-mail        : -

error: Deskulpa Kontent ami protected !!