Biografia Coronel Calisto Santos Coli (COLIATI)

PERSONAL DETAILLU

Xefe Estadu Maiór F-FDTL Coronel Calisto Santos “COLIATI” moris iha loron 10 fulan Agostu 1959 husi Munisipiu Likisa Postu Administrativu Likisa Suku Darulete, kaben ho Señora Lucia da Jesus Martins iha oan na’in neen (6), Mane haat (4) Feto rua (2).

Coronel Coliati iha Edukasaun Formal

Hahú Ensinu Primária iha tinan 1967 iha Colégio Infante de Sagres Maliana no remata iha tinan 1971. Ensino Pre-Secundariu iha tinan 1971 iha Eskola Industrial e Comercial Professor Silva Cunha Dili.

Ensino Secundario iha Escola Industrial e Comercial Professor Silva Cunha Dili  iha  3° Ano Frequência iha Curso Geral de Construção Civil no iha tempo okupasaun konklui eskola Ensinu Secundario iha Esola Economi Menengah Atas iha Likisa Vila.

Ensinu Superior iha Universidade da Paz (UNPAZ) Departamentu Relasaun Internasionál. Iha 2005 hetan Pos-Graduasaun husi Australian Command and Staff College iha cooperasaun ho Wollongong University, Australia iha área Defense Management  Study.

Formasun Militar Coronel Hetan Fiar Hodi Ba Tuir Formasaun Iha Área Sira Hanesan:

  • Iha tinan 2003 tuir senior Leadership course iha Canagra, Queensland Australia
  • Iha tinan 2004 fulan Jullu to fulan Desembru 2005 tuir kursu Estado Maior iha Australian Command and Staff College
  • Iha tinan 2008 tuir kursu Advanced Security Strategic Study iha Hawai, Estados Unidos da America
  • Iha Tinan 2009 tuir kursu UN Military Observer Course iha Malaysia
  • Iha Tinan 2012 hetan graduasaun ho resultado Excelente iha Altos Estudos Estrategicos no Lideranca iha (LEMHANAS) Lembaga Ketahanan Nasional Republic Indonesia

Involve Aan Iha FALINTIL

Depois  kontra Golpe hasoru Movimento Anti Comunista  iha 11 de Agostu 1975  Coliati integra ona ba fileiras Falintil hanesan Eskrituariu iha kompañia  Estrela ne’ebé harii iha suku Darulete Likisa iha fulan Setembru 1975,  hodi halo operasaun hasoru forsas UDT ne’ebé konsentra iha fazenda algarve Likisa  hafoin rekua husi Palapassu  Dili.

Iha 1977 to’o 16  Abril tinan 1979 hanesan soldadu guerrilheiru iha Kompañia Brigada Choque,  Fronteira Norte, iha Pelotaun de Escolta ba Saudosu Komissariado Polítiku Helio Pina/MAU-CRUMA. Depois de Saudosu Komisariadu MAUCRUMA mate iha loron 16 fulan Abril tinan 1979 Coliati hetan kaptura husi forsa TNI (Tentara Nasional Indonesia)  husi Batalhaun 744, Compi B.

Faze Klandestina

  • Iha 1984 Coliati formalmente hola parte iha Estrutura Frente Clandestina iha Likisa Vila ho naran OCR Dailor hanesan Vise Secretario.
  • Iha 1990 hetan kaptura  husi TNI no tama iha Prisaun KaiKoli, sai husi Kaikoli ba tama fali iha NUSRA BAKTI. Sai husi NUSRA BAKTI  fila fali ba detensaun preventiva iha Kodim 1638 Likisa.
  • Iha loron 13 fulan Setembru tinan 1994 eleitu husi Saudoso Nino Konis Santana nu’udar Sekretáriu ba  Orgaun Directiva Regional (ODIR) iha Likisa.
  • Iha tinan 1998, iha reuniaun Komando da Luta iha área Debu iha Munísipiu Viqueque, Coliati nomeadu nu’udar segundu-Vise Secretário Regiaun 40 ho responsabilidade nu’udar  Responsavel ba Assuntus Politíco  Militar  Unidade Fronteira Súl.

Pos Referendun Koronél Kaer Pasta hanesan:

  • Ofisial Ligasaun  Falintil  ba  forças INTERFET iha Sector Oeste
  • Adjuntu do Sekretariadu das Falintil iha Akantonamentu Aileu
  • Asistente ba Direitór Primeiro Recrutamento F-FDTL iha Aileu hamutuk ho equipa husi Portugal.

Iha F-FDTL Okupa Kargu hanesan;

  • – Iha tinan 2002 ocupa pozisaun nudar Chefe das Operacoes/S-3 iha Primeiro Batalhão F-FDTL iha Lospalos.
  • – Iha tinan 2003 – 2004 ocupa pozisaun nudar Segundo Comandante ba Centro Instrusaun Metinaro.
  • – Iha tinan 2006 ocupa pozisaun nudar Xefe das Operacoes/J-3 iha Quartel General das F-FDTL.
  • – Iha Fevereiru tinan 2008, iha situasaun Estado de Sitío, Coliati nomeadu nudar Comandante ba Operasaun HALIBUR hodi Re-Estabelese fila fali Paz no Estabilidade.
  • – Iha fulan Juño tinan 2014 to fulan Jullu 2018 Coliati sai nudar Adido de Defesa Timor-Leste ba Austrália.
  • – Iha fulan Outubru loron 29, tinan 2018, Coliate simu posse nudar Xefe Estado Maior das F-FDTL (CEM) husi Prezidente da República Francisco Guterres “Lú – Olo”.