Biografia Brigadeiru Jenerál Falur Rate Laek

PERSONAL DETAILLU


Naran : Falur Rate Laek (Domingos Raul) Data moris : 9 Jullu  1955Fatin Moris : Samaliu, Sub-distritu  Ossu, Distrito Viqueque Timor Leste Kargo/Funsaun : Vise Xefe Estadu Maiór Jenerál Falintil-FDTL, Brigadeiru Jenerál.

Falur Rate Laek, moris iha Aldeia Samaliu, Sub-distritu Ossu, Distritu Viqueque. Oan dala hat husi maun alin nain sanulu resin rua (12).

Falur komesa escola primaria iha tinan 1964 no remata iha tinan 1968 iha Ossu – Loihunu.  Iha tinan 1973, komesa tuir kursu  intensivu Monitór Escolar nian.

Durante invazaun Indonésia mai Timor – Leste, loron 7 fulan Dezembru 1975,  iha momentu ne’ebá Falur ho idade tinan 20, maibé ajuda fó apoiu logistic ba FALINTIL – liman los  FRETILIN ne’ebé foin forma no organiza populasaun sira ba Rezistensia iha Ossu.

Iha fulan Janeiru tinan 1976 Setembru  tinan 1977,  Falur assumi kargu nudar Assistente Político  Regiaun  ravinas  iha zona costeira leste. Iha fulan Setembru 1977 – 1978 nia klaran, Falur transferido fali ba Setór Sentru Leste ho funsaun hanesan Komandante Kompañia Forsas ba Auto – Defeza.

No ikus iha tinan 1977, komesa hahu Operasaun Cerco Aniquilamento hosi militares Indonesia, ida ne’ebé hamohu forsa Rezistensia. Durante tinan ida tuir mai forsas Indonesia harahun 80% forsas Rezistensia iha  baze de apoiu.

Iha tinan 1978 nia klaran Falur assumi funsoens hanesan Komandante Pelutaun FALINTIL iha seitor Centro –Leste.  Depois de baze de apoiu iha Matebian rahun, iha  semestre da ruak iha tinan 1979, Falur tun mai rende ba militares Indonezia sira iha Viqueque.

Iha tinan 1980 to’o fulan Augustu tinan 1983, Falur assumi funsoens 2ª Komandante, Kompañia MIPLIN (Milícias Populares de Libertação Nacionál, organização enquadrado pela estrutura clandestina da Resistência).

Iha fulan Augusto tinan 1983 loron 1 fulan Abril tinan 1984, Falur assumi funsoens hanesan 2º Komandante ba 3ª Kompañia FALINTIL, iha Seitór Centro-Leste, iha rejiaun costeiras.

Durante tinan ida tuir mai, Falur sai hanesan mós 1º Komandante hosi  Kompañia A ba Unidade FALINTIL 4ª nian hodi hala’o operasaun iha zona ne’ebé hanesan.

Iha fulan Abril tinan 1985 to’o 1989, Falur  assumi funsoens hanesan Komissário Político ba regiaun tomak Viqueque to’o Same depois de separasaun FALINTIL, nomeadu fali Falur ba iha Secretáriu  Rejiaun  20 (Baucau e Viqueque).

Iha tinan 1997, Falur assumi funsaun hanesan Komandante no Secretáriu Rejiaun  30 (Viqueque, Manatuto, Aileu, Same) no mantéin to’o 1999. Iha fulan Jullu 1999, FALINTIL fahe ba akampamentu hat (4) no Falur, mantein iha akampamentu /  kuartél-jenerál iha Waimori. 

Iha loron 30 fulan Agostu tinan 1999, iha referendum ne’ebé organiza hosi Nasoens Unidas, Povu Timor Leste fó sira nia votus maioria ba independénsia.

Depois de popular referendum iha periodu ne’e nakonu ho violénsia no ikus mai INTERVET (Organizasaun Nasoens Unidas) nian, halo intervensaun iha momentu ne’eba.  Iha periodu refere teste grau dixiplina FALINTIL nian ne’ebé maka’as tanba ubriga forsas sira nafatin mantein iha Kuartel no populasaun sira harohan ba salvasaun hosi asaltu forsas Indonésia no Pro Indonésia nian ne’ebe hamate vida barak.

Iha fulan Novembru tinan 1999, Falur hetan nomeasaun husi CNRT, hodi hala’o knar hanesan kordenasaun ho administrasaun Tranzitória, Ofisiál ligasaun FALINTIL ho INTERFET nian ba rejiaun fronteira Norte. Iha finál primeiru trimestre tinan 2000 to’o eleisaun iha tinan 2001, Falur  nu’udar Ofisiál ligasaun FALINTIL ho PKF (Peace-Keeping Force) iha Komando seitór sentrál. No hetan sertifikadu hosi PKF  tanba servisu hirak ne’e.

Tuir mai, iha fulan Jullu tinan 2001, hahú kursu dahuluk formasaun ba Ofisiál no Sarjentu ba FDTL sira, iha Aileu,  Falur sai nu’udar komandante 10 Batalhão  to’o finais 2007.

Tuir mós  kursu Ofisiál Dixiplinár, iha sentru Instrusaun Nicolau Lobato, iha Metinaru. Iha tinan 2003, Falur simu sertifikadu hosi Prezidente da Repúblika, Xanana Gusmão, tanba servisu iha komisaun rejistu dadus Antigus Kombatentes.

Iha fulan Janeiru tinan 2008 to’o tinan 2009, Falur Rate Laek, ezerse funsaun  nu’udar komandante sentru Instrusaun Nicolau Lobato, iha Metinaru. Iha fulan Agostu tinan 2010 to’o fulan Agostu tinan 2011, Falur simu funsaun interinamente hanesan  Xefe Estadu Maior F-FDTL.

Iha loron 07 fulan Dezembru tinan 2006, Falur simu kondekoradu Ordem da Guerrilha hosi Prezidenti RDTL Dr. José Ramos Horta. Iha tinan 2007, Falur kondekoradu husi Prezidenti RDTL kona-bá prestasaun servisu durante Operasaun Halibur, operasaun konjuta hosi F-FDTL ho PNTL hodi re-stabelesimentu seguransa no ordem Nasaun nian hafoin crize política iha 2006.

Iha loron 14 fulan Janeiru tinan 2009, Falur Rate Laek promovidu hanesan Coronel das F-FDTL. Iha loron 20 fulan Agostu tinan 2011, iha Seremónia Homenagem Nasionál kona-bá agradesementu no rekonhesementu ba eis-kombatentes ba luta de libertasaun, Falur, ofisialmente desmobilizadu husi FALINTIL no kondekoradu hamutuk ho eis-kombatentes 235 sira seluk.

Iha loron 08 fulan Juñu tinan 2018, Falur promove hanesan Brigadeiru Jenerál das F-FDTL. Iha loron 01 fulan Outubru 2018, Falur, simu tomada de pose hanesan Vise Xefe Estadu Maiór das F-FDTL.

Brigadeiru Falur Rate Laek kaben ho Sra. Rosa Maria Quintão desde 1982.  Sira iha oan feto tolu (3); Maria Raul, Mimízia Raul no Hilária Raul, ho oan mane ida (1); naran José António.Brigadeiru Falur Rate Laek koalia lian Timor nian 2 hanesan (Tétum ho Makassae), koalia mós Português no Malaiu-Indonésiu.